Për platformën e rrjeteve sociale, TikTok, në SHBA ka nisur count down. Aplikacioni i preferuar për postime viedosh rrezikon të ndalohet në SHBA, nëse firma amë ByteDance nuk e shet biznesin e saj deri më 19 janar 2025 tek një blerës amerikan.

Ky afat është vendosur pas një presion prej muajsh: Rrënjët kineze të ByteDance, sipas politikanëve në SHBA, paraqesin rrezik sigurie dhe mund t’i lejojnë qeverisë kineze, që të ketë akses tek të dhënat e përdoruesve ose që t’i influencojë ata në platformë. ByteDance i hedh poshtë këto akuza.

Ndërsa përdoruesit e TikTok në SHBA do të shmangen në platforma të tjera, presidenti i zgjedhur Donald Trump, sipas mediave, synon ta shtyjë ndalimin e platformës. Në të njëjtën kohë mbrojtësit e të drejtave digjitale, paralajmërojnë, se ndalimi i një platforme të vetme ka pak të bëjë me mbrojtjen e përdoruesve – dhe se një masë e tillë mund të ketë pasoja negative.

TikTok në SHBA çështje e sigurisë kombëtare?

“Eshtë një lojë e rrezikshme, që përdoruesit të përballen me një rrezik edhe më të madh”, thotë Natalie Campbell nga organizata e SHBA-së Internet Society duke e krahasuar këtë me lojën popullore në SHBA Whack-A-Mole: Në këtë lojë lojtarët godasin në kokë brejtësit që shfaqen nga vrimat e fushës së lojës – por sapo godet një të tillë, shfaqet një tjetër dhe kjo spirale është pafund.

Ndonëse janë të drejta rezervat ndaj TikTok sa i përket mbrojtjes së të dhënave, një ndalim i plotë do t’i nxiste përdorueisr drejt zgjidhjeve të tjera në terrene më të oasigurta, argumenton ekspertja në intervistë për DW: “Njerëzit, që jetojnë prej TikTok-ut, do të përpiqen të gjejnë rrugë të tërthorta që të mund ta përdorin edhe më tej platformën.”

Diskutimi për ndalimin e platformës në një pejzazh gjithnjë e më të paqartë politik

Në prill 2024 deputetët e SHBA-së nga të gjtiha partitë vendosën ta mbështesin vendimin për ndalimin e platformës. TikTok apeloi duke argumentuar, se ndalimi përbën shkelje të lirisë së shprehjes. Çështja kaloi në Gjykatën Supreme. Të premten (17.01.2025) gjyqtarët supremë vendosën, që ndalimi i platformës hyn në fuqi të dielën më 19 janar 2025, nëse ByteDance deri atëherë nuk e ka shitur platformën tek një filial i SHBA-së.

Shtëpia e Bardhë reagoi, se zbatimi i vendimit për arësye kohe duhet të kalojë tek administrata e re Trump, i cili të hënën (20.01.2025) betohet si presidenti i 47 i SHBA-së.

Donald Trump, i cili gjatë mandatit të parë presidencial e mbështeste ndalimin e TikTok-ut, ndërkohë e ka ndryshuar qendrimin e tij. Sipas njoftimeve të fundit, ai mendon që per drekret ta shtyjë ndalimin. është e paqartë, nëse kjo do të jetë e mundur ligjërisht.