Ministri i Mbrojtjes, Ejup Maqedonci ka pritur në takim Ambasadoren e Kanadasë në Zagreb, të akredituar për Republikën e Kosovës, Jessica Blitt.

Me anë të një postimi në Facebook, Maqedonci tha se ambasadoren kanadeze e njoftoi për zhvillimet në Ministrinë e Mbrojtjes dhe Forcës e Sigurisë së Kosovës, shkruan Arbresh.info.

Ai po ashtu e falenderoi për bashkëpunimin në fushën e mbrojtjes ndërmjet dy vendeve.

“Gjithashtu diskutuam mbi pjesëmarrjen e delegacionit të Ministrisë së Mbrojtjes dhe Forcës së Sigurisë në Forumin Ndërkombëtar të Sigurisë në Halifax.”, shkroi ai.

“Republika e Kosovës qëndron e palëkundur në rrugën e saj drejt integrimit në Organizatën e Traktatit të Atlantikut të Veriut dhe  Kanadaja është ndër vendet në të cilat Republika e Kosovës mbështetet në përkrahjen e tyre për realizimin e kësaj aspirate të vendit.”, tha mes të tjerash Maqedonci./Arbresh.info/