Kryeministri i vendit, Albin Kurti ka mirëpritur qytetarë ukrainas të cilët jetojnë e veprojnë në Kosovë, me rastin e Ditës së Pavarësisë së Ukrainës.

Kurti tha se Kosova është një shtëpi e dytë për ta, dhe ka shprehur vlerësimin e tij të thellë dhe solidaritetin për punën e përpjekjet e tyre në një kohë kaq sfiduese, shkruan Arbresh.info

Shefi i ekzekutivit ka theksuar se Kosova do të vijojë të jetë mbështetëse e fuqishme e luftës çlirimtare të Ukrainës për paqe, liri e demokraci.

“Republika e Kosovës do të vijojë të jetë mbështetëse e fuqishme e luftës çlirimtare të Ukrainës për paqe, liri e demokraci, dhe përkrahëse e rezistencës e vendosmërisë së popullit ukrainas, në mbrojtje të sovranitetit, pavarësisë dhe integritetit territorial të shtetit të tyre”, ka shkruar kryeministri Kurti.

Ai ka uruar Ditën e Pavarësisë për Ukrainën dhe të gjithë qytetarët e saj, si dhe ka thënë që le të triumfojë lufta e drejtë për liri, kundër dhunës, brutalitetit dhe agresionit të pajustifikuar të Federatës Ruse./Arbresh.info/

LEXO EDHE:

Ukraina feston Ditën e Pavarësisë/ Shpaloset flamuri gjigand para ndërtesës së Komisionit Evropian