Një shtetas i Maqedonisë së Veriut është arrestuar sot në Kosovë nën dyshimin për prodhimin dhe shpërndarjen e parave të falsifikuara me prerje metalike prej 2 (dy) Euro, ndërsa në Maqedoninë e Veriut janë kryer kontrolle në tri lokacione.

Sipas njoftimit të përbashkët të autoriteteve të Kosovës dhe Maqedonisë së Veriut, gjatë gjatë kontrollit u sekuestruan makineri për prodhimin e parave të falsifikuara me prerje metalike 2  Euro, shabllone parash dhe materiale të tjera për prodhimin e monedhave të falsifikuara, duke përfshirë të gjithë lëndën e parë të prodhimit të tyre, shkruan Arbresh.info.

Në komunikatën për media bëhet e ditur se i dyshuari është ndaluar për 48 orë.

“Me aktvendim të prokurorit të rastit nga Prokuroria Speciale e Republikës së Kosovës, shtetasi maqedonas është ndaluar përkohësisht për 48 orë dhe ndaj tij në afat ligjor do të parashtrohet kërkesë në gjykatë për caktimin e masës për sigurimin e prezencës së tij në procedurë.”, thuhet në njoftim.

“Ky operacion është mbështetur nga Europol dhe Eurojust/WB Crim Just Project.”, thuhet në njoftim./Arbresh.info/