Asociacioni i Gazetarëve të Kosovës (AGK), i ka reaguar deputetit të Lëvizjes Vetëvendosje, Adnan Rrustemit ndaj sulmeve kundër mediave.

Në një komunikatë për media nga AGK, thuhet se edhe deputeti Adnan Rrustemi i është bashkuar sulmeve të papranueshme kundër medieve.

“Deputeti i Vetëvendosjes, gjithashtu i referohet shkrimit të mediumit të quajtur “Slobodna Bosna”, për gjoja kontrollin e medieve të Kosovës nga ana e Serbisë. Edhe sulmi i z.Rrustemi është i papranueshëm dhe ka për synim intimidimin e medieve dhe gazetarëve”, thuhet në komunikatë.

AGK ka ndarë shkrimin që Rrustemi ka shkruar në profilin e tij në Facebook.

“Pyetja më legjitime që duhet shtruar është se a ka hapur pokuroria hetime për të parë nëse ka pasur transaksione financiare të Serbisë në portalet e Kosovës që shkruajnë me porosi kundër qeverisë apo çdo qytetari të vendit tonë?”, ka shkruar Rrustemi në Facebook.

Tutje, AGK-ja, i bën thirrje VV-së të ndalojë fushatën sulmuese kundër medias./Arbresh.info/