Ministria e Mbrojtjes së Tajvanit raportoi se gjithsej 35 avionë kinezë dhe 7 anije luftarake u zbuluan rreth ishullit gjatë 24-orëve.

Sipas autoriteteve në Tajvan, 33 avionë kaluan vijën mesatare të ngushticës së Tajvanit dhe hynë në Zonën e Identifikimit të Mbrojtjes Ajrore nga veriu, qendra dhe lindja. “Ne e kemi monitoruar situatën dhe jemi përgjigjur në përputhje me rrethanat, përmes mobilizimit të Forcave Ajrore, Marinës dhe sistemeve raketore tokësore”, tha ministria në një deklaratë.

Kina pretendon se Tajvani është një pjesë “e patjetërsueshme” e territorit të saj.

Pekini ka rritur presionin mbi Taipei në vitet e fundit dhe ka mbajtur stërvitje ushtarake në të gjithë ishullin pas inaugurimit të 20 majit të William Lai si president i Tajvanit, të cilin Kina e quajti një “separatist të rrezikshëm”./abcnews.al/