Kryetari i Komunës së Pejës, Gazmend Muhaxheri u ka shprehur ngushëllime familjes së gruas e cila dyshohet se u vra nga bashkëshorti i saj sot.

Me anë të një postimi në Facebook, ai tha se në këto çaste duhet të qëndrojmë bashkë dhe të kërkojmë drejtësi për viktimën, shkruan Arbresh.info.

“Ditë e trishtë sot. Vështirë të flitet për dhimbjen dhe trishtimin që po përjeton qyteti ynë në këtë moment të zymtë. Në këto çaste, ne duhet të qëndrojmë bashkë dhe të kërkojmë drejtësi për viktimën. Nuk ka vend për dhunë në shoqërinë tonë, sepse dhuna është një përpjekje e dëshpëruar për të zëvendësuar autoritetin e humbur.”, ka shkruar ai.

Ndër të tjera, ai ka kërkuar që të punohet për një shoqëri në të cilën njerëzit jetojnë në paqe dhe kanë respekt e dashuri për njëri tjetrin.

Gjyljeta Ukella është gruaja e cila u vra sot në Pejë.

Dorasi dyshohet të jetë bashkëshorti i saj i cili është ndaluar për 48 orë. /Arbresh.info/

LEXO EDHE: 

Vritet një grua në Pejë, dyshohet se dorasi ishte bashkëshorti

Arrestohet i dyshuari për vrasjen e gruas në Pejë