Është identifikuar tifozi i parë i Udineses përgjegjës për ofendimet raciste ndaj portierit të Milanit, Mike Maignan, gjatë ndeshjes së të shtunës në mbrëmje në Udine, çka bëri që ndeshja të pezullohej për 5 minuta në pjesën e parë pas protestave të vetë lojtarit kuqezi, i cili braktisi fushën.

Kjo u bë e mundur edhe falë një prej videove të postuara në rrjetet sociale nga tifozët e ekipit nga Friuli pas përfundimit të ndeshjes.

Ai përsëriti 12 herë “fucking nigger”. Bëhet fjalë për një 46-vjeçar nga provinca e Udines, tashmë i njohur për policinë dhe ndaj të cilit komisari i policisë, Alfredo D’Agostino, ka njoftuar përjashtimin 5-vjeçar nga impiantet sportive. Tifozi u ndjek në gjendje të lirë.

Hetimet e policisë ishin shumë të shpejta. Personeli i specializuar i Komisariatit të Policisë ka marrë pamjet nga kamerat e stadiumit “Bluenergy” dhe produksionit televiziv rreth orës 11 të mëngjesit të sotëm.

Hetimet e mëtejshme po vijojnë edhe për dy persona të tjerë që ndodheshin në një sektor, gjithmonë pas portës, por paksa larg tifozit të identifikuar./ss