Gjykata Themelore në Prishtinë ka caktuar nga një muaj paraburgim për të dy të dyshuarit për sulmin në veri.

E pranishme ishte edhe motra e njërit prej të dyshuarve për sulmin në veri, ku mbeti i vrarë polici, Afrim Bunjaku.

Derisa po largoheshin nga Gjykata me kokën poshtë, ajo dëgjohet duke bërtitur.

“Këtu jam, rri i qetë dhe mos ke frikë”, tha ajo me ton të lartë të zërit.

Ndërsa dy të arrestuarit, pjesë e grupit terrorist që morën pjesë në sulmin e Banjskës janë larguar nga Gjykata Themelore në Prishtinë, pas përfundimit të seancës ndaj tyre.

Më 24 shtator në fshatin Banjskë të Zveçanit ndodhën sulme terroriste ndaj Policisë së Kosovës, ku u vra polici Afrim Bunjaku, u plagos polici Alban Rashiti si

dhe u lëndua një tjetër.
Pas kësaj Policia e Kosovës reagoi duke kërkuar nga terroristët të dorëzohen, ata refuzuan të dorëzohen duke vazhduar sulmet me armë ndaj policisë./Arbresh.info/

LEXO EDHE:

Avokati dhe motra e serbit të arrestuar në Zveçan arrijnë tek Pallati i Drejtësisë