Pasi ndjekja e Liverpool-it për Moises Caicedo dhe Romeo Lavia përfundoi pa sukses, Reds janë kthyer te ish-objektivi Ryan Gravenberch.

Liverpool u refuzua si nga Caicedo ashtu edhe nga Lavia, me çiftin që zgjodhi të transferohej te Chelsea dhe jo te “Merseyside”, shkruan Arbresh.info.

Pas kësaj, Liverpool tani është lidhur me një lëvizje për mesfushorin e Bayern Munich, Gravenberch, i cili pati vështirësi në sezonin e tij debutues në Gjermani në 2022-23.

Sipas FootMercato, Liverpool ka ringjallur interesin e tyre për holandezin dhe ka hapur bisedimet me përfaqësuesit e tij që e kanë ndjekur më herët në dritare, megjithëse Reds përballen me konkurrencën nga Manchester United.

United ende nuk ka bërë ndonjë qasje.

21-vjeçari është i hapur për një kalim në Premier League dhe mendohet se një kalim në Old Trafford mund të jetë preferenca e tij./Arbresh.info/