Ministria e Financave, Punës dhe Transfereve ka njoftuar se ka transferuar në llogarinë e TRUST-it mjetet për rimbursimin e një pjese të kontribuesve, të cilët kanë tërhequr kontributet pensionale gjatë periudhës dhjetor 2021-prill 2022, sipas Ligjit për Rimëkëmbje Ekonomike.

Sipas njoftimit të ministrisë, shpërndarja nëpër llogari të 12,090 kontribuesve është realizuar nga TRUST gjatë ditës së sotme, në përputhje me metodologjinë e dakorduar në mes të Ministrisë dhe TRUST-it, përcjell Arbresh.info.

“Rimbursimi këtë vit është bërë për personat të cilët kane dalë apo pritet të dalin në pension deri në fund të vitit 2023. Rimbursimi do të vazhdojë vitin e ardhshëm për personat që pritet të dalin në pension gjatë vitit 2024 e kështu me radhë, deri në përmbylljen e plotë të rimbursimit për të gjitha gjeneratat e tjera deri në vitin 2028.”, thuhet në njoftimin e Ministrisë.

Shuma vjetore e rimbursimit do të sigurohet nga ministria ndërsa TRUST do të bëjë shpërndarjen e shumave direkt tek qytetarët.

Tutje ministria të ditur se për rimbursim nuk do të ketë nevojë për aplikim, pasiqë realizohet automatikisht nga TRUST./Arbresh.info/