I dehur sulmon dy mjek kujdestar në Ferizaj, arrestohet nga policia

11:05 | 19 Tetor 2022
E.H

Një person në Ferizaj rreth orës 01:00 të mëngjesit në gjendje të dehur ka sulmuar dy mjek kujdestar në Emergjencën Primare.
Policia e Ferizajt, menjëherë ka dal në vendin e ngjarjes dhe ka arrestuar personin e dyshuar.

“Në lidhje me këtë policia i ka marrë veprimet e nevojshme dhe menjëherë ka dalë në vendin e ngjarjes dhe kanë arrestuar personin e dyshuar me inicialet H.H (M/K) i moshës 34 vjeçar, i cili ishte në gjendje të dehur me 1.13 promila, i testuar me alkool test”, thuhet në njoftimin e policisë.

I dyshuari më pas është shoqëruar në stacionin e policisë në Ferizaj dhe pas intervistimit nga policët hetues, me vendim të Prokurorit kujdestar nga Prokuroria Themelore në Ferizaj, i njëjti është dërguar në mbajtje për 48 orë, për procedura të mëtejme hetimore, ndërsa rasti është cilësuar “Sulm ndaj personit zyrtar gjatë kryerjes së detyrës zyrtare”./arbresh.info/