Kryeministri i Maqedonisë së Veriut, Dimitar Kovaçevski sot mori pjesë në manifestimin ku u prezantuan disa nga avionët dhe pajisjet tjera ushtarake të ushtrive të vendeve aleate pjesëmarrëse në stërvitjen ushtarake “Quick Response 22” ose “Swift Response 22”, si më e madhja e realizuar ndonjëherë në Maqedoninë e Veriut.

Ngjarja, ku morën pjesë ministrja e Mbrojtjes Sllavjanka Petrovska, ambasadorja e Shteteve të Bashkuara të Amerikës dhe Mbretërisë së Bashkuar Kate Marie Byrnes dhe Rachel Galloway, si dhe përfaqësues të lartë të ushtrive pjesëmarrëse, ishte e hapur për publikun që kishin mundësi nga afër të shikojnë performancën e avionëve të paraqitur dhe pajisjeve të tjera ushtarake.

“Quick Response 22” zbatohet në tre rajone: në rajonin e Arktikut, Ballkanit dhe Baltikut dhe përfshin rreth 4.600 trupa nga 8 vende të ndryshme aleate. Maqedonia e Veriut, si mikpritëse e një stërvitje të madhe dhe komplekse të NATO-s, tregon edhe një herë se aftësitë tona të ushtrisë janë të gatshme dhe operacionale për t’iu përgjigjur operacioneve si të gjitha ushtritë tona aleate”, tha Kovaçevski në fjalimin e tij.

Stërvitja, thotë ai, demonstron plotësisht kapacitetet dhe aftësitë e qendrës stërvitore Krivollak.