Kryetari i qytetit të rrethuar ukrainas të Mariupolit thotë se atyre që fshihen në një fabrikë masive çeliku po u mungon ushqimi, uji dhe ilaçet.

Vadym Boichenko e përshkroi situatën në fabrikën e çelikut Avozstal si të tmerrshme. Fabrika e çelikut është pozicioni i fundit i mbajtur nga luftëtarët ukrainas, ku ndodhen edhe civilë, transmeton portal arbresh.info

Objekti i epokës sovjetike ka bodrume të mëdha nëntokësore të aftë për t’i bërë ballë sulmeve ajrore. Por situata është bërë më ekstreme pasi rusët hodhën një sërë bombash të ashtuquajtura “bunker buster” dhe municione të padrejtuara.

“Vendet që arrijnë të largohen nga Mariupoli thonë se aty është ferr, por kur largohen nga kjo kështjellë, thonë se është më keq”, tha ai, ndërsa ka shtuar se “civilët në Mariupol po luten për t’u shpëtuar”.

Boichenko tha se shpresonte se një armëpushim do t’i lejonte ata që ishin brenda fabrikës së çelikut të largoheshin të sigurtë.

Rusia më herët ofroi një armëpushim që u refuzua nga ukrainasit, të cilët thanë se Moska më parë shkeli marrëveshje të tjera./euronews/arbresh.info/