Ukrainë-Rusi: Erdogan bën thirrje për armëpushim të menjëhershëm

23:19 | 1 Mars 2022
Trina Galanxhi

Presidenti turk, Recep Tayyip Erdogan, i ka bërë thirrje Rusisë dhe Ukrainës që të ndalojnë menjëherë luftimet dhe të “kontribuojnë për paqen botërore”, duke shtuar se Ankaraja nuk është kundër zgjerimit të NATO-s.

Turqia, anëtare e NATO-s, ndan një kufi detar me Ukrainën dhe Rusinë dhe ka lidhje të mira me të dyja, transmeton portal arbresh.info

Sipas një pakti të vitit 1936, Ankaraja tha të hënën se po mbyllte ngushticat e saj të Detit të Zi gjatë pushtimit rus të Ukrainës, duke kufizuar kalimin e disa anijeve ruse nga Mesdheu.

I pyetur në lidhje me ofertën e Ukrainës për anëtarësim në Bashkimin Europian në një konferencë shtypi në Ankara, Erdogan tha se Turqia, një kandidate në BE për dekada, do të mbështesë çdo zgjerim të NATO-s dhe BE-së./Reuters/arbresh.info/