Buajt dhe kuajt që qëndrojnë në kasollet e tyre gjatë temperaturave të acarta po shijojnë ujërat e nxehta të burimeve në një rajon në Turqinë lindore.

Burimet e nxehta që arrijnë në 40 gradë celsius në rrethin Güroymak të provincës Bitlis preferohen nga ata që kërkojnë shërim në verë dhe ata që duan të lajnë buajt dhe kuajt e tyre gjatë dimrit.

Në Güroymak, ku temperatura bie në minus 20 gradë celsius, buajt dhe kuajt nuk mund të nxirren nga kasollet e tyre, kështu që fermerët i çojnë rregullisht në burimet e nxehta për t’u çlodhur. Barinjtë gjithashtu shijojnë ujërat me kafshët e tyre gjatë larjeve që zgjasin tri orë. Pas pastrimit, kafshët kthehen në fshatin e tyre, i cili është 7 kilometra larg.

Baran Aylu, një nga barinjtë, tha për Anadolu Agency (AA) se ata i sjellin kafshët në burimet e nxehta në fundjavë për t’i larë.

“Ndërsa kujdesemi për kafshët tona në stalla gjatë dimrit, ato ndoten, kështu që ne i lajmë në burimin e nxehtë për t’i pastruar”, tha Aylu. “Së bashku me to, edhe ne shijojmë edhe burimin e nxehtë dhe argëtohemi duke u larë në mot të ftohtë”, shtoi ai. Halit Akın, një nga banorët e fshatit, tha se përmes larjeve në burimet e nxehta “kafshët ushqehen në mënyrë më të shëndetshme dhe më mirë”.