Java e pestë në Ligën Unike ka dhuruar ndeshje mjaft interesante.

Basketbollisti me indeksin më të lartë të xhiros së pestë ishte qendra e Golden Eagle Yllit, Gëzim Morina.

Morina ndaj Kamzës regjistroi 13 pikë, pesë kërcime dhe shtatë asistime, duke e pasur indeksin e lojës 27, apo më të lartin të xhiros, ai ndihmoi Yllin të fitojë ndaj Kamza Basket me rezultat 89:75.

Peja shënoi fitore bindëse ndaj Prizrenit 16 me rezultat 97:60. Te verdhezinjët nga 10 asistime kishin Dardan Berisha dhe Ilter Erdem. Berisha kishte edhe 18 pikë e katër kërcime, kurse Erdem 14 pikë e pesë kërcime.

Tirana pas vazhimeve ka mundur Teutën, ku u dallua qendra e Kombëtares së Shqipërisë, Endrit Hysenagolli me 15 pikë e 13 kërcime.

Rahoveci bëri përmbysje të madhe ndaj Vllaznisë, ndërsa lojtari me efikasitetin më të lartë te “Vreshtarët” ishte Milik Yarbrough, i cili kontribuoi me 20 pikë, 12 kërcime dhe dy asistime.

TOP 5:

Gëzim Morin (Golden Eagle Ylli) 13 pikë, 5 kërcime, 7 asistime

Dardan Berisha (Peja) 18 pkë, 4 kërcime, 10 asistime

Ilter Erdem (Peja) 14 pikë, 5 kërcime, 10 asisistime

Endri Hysenbegolli (Tirana) 15 pikë, 13 kërcime

Milik Yarbrough (Rahoveci) 20 pikë, 12 kërcime, 2 asistime. /Arbresh.info