I këputi këmbën 24-vjeçares në trotuar, del nga qelia djali i Erzen Breçanit

00:28 | 29 Qershor 2021
Trina Galanxhi

Jehon Breçani, 19-vjeçari që aksidentoi këmbësoren Xhesina Gega 24 vjeçe rreth tre javë më parë në Tiranë, është liruar nga qelia.

Lajmin e ka bërë me dije gazetarja Xhensila Kodra, e cila tha se ditën e premte, gjykata ka ndryshuar masën e sigurisë ndaj tij nga “arrest me burg” në “arrest shtëpie”.

“Ditën e premte ka lënë ambientet e spitalit dhe ndodhet në masën e sigurisë “arrest shtëpie”, deklaroi gazetarja.

Ndërsa Artan Hoxha shtoi se ky vendim është marrë për shkak se vetë 19-vjeçari ka pësuar dëmtime nga përplasja e fortë.

“Ka pësuar dëmtime vetë gjatë aksidentit në mushkëri. Ka qenë e nevojshme ndërhyrja mjekësore. Prandaj është ndryshuar masa e sigurisë sepse spitali i Burgut nuk i ka garantuar trajtim mjekësor. Familja Breçani ka sjellë njerëz nga fisi i vet nga Tropoja për të dhënë gjak për 23-vjeçaren e aksidentuar”, deklaroi ai.