Siç raporton MIA, Komisioni Evropian njoftoi se sot do të dërgohen paratë e premtuara për ndihmën makroekonomike të Maqedonisë së Veriut si dhe për Kosovën, Malin e Zi dhe Tunisin.

Nga tre miliardë eurot për asistencë në makroekonomike për vendet fqinje të BE-së, Komisioni Evropian sot do të dërgojë 80 milionë euro në Maqedoni, 50 milionë për Kosovën, 30 për Malin e Zi si dhe 300 milionë për Tunisin.

Eurokomesari për Ekonomi, Paolo Gentiloni e përshëndeti lajmin dhe e vlerëson si “hap konkret konkret” në luftën kundër coronavirusit dhe pasojat e këtij virusit. Ai premtoi se Bashkimi Evropian do të mbetet i përkushtuar të ndihmojë fqinjët në këto kohë të vështira.

Për Maqedoninë e Veriut është donacion i dytë dhe i fundit nga 160 milionët e parapara.

Komisioni Evropian po ashtu njoftoi se vendi i kishte përmbushur kushtet për lëshimin e transhës së fundit, i cili përfshinte përforcimin e qeverisjes fiskale dhe transparencën, luftimin e korrupsionit, përmirësimin e mbikëqyrjes së sektorit financiar si dhe klimën e biznesit dhe përballjen me papunësinë e të rinjve.