Valdrin Sahiti është një ndër kreatorët më të famshëm shqiptar edhe në rrafshin ndërkombëtar.

Kreacionet e tij i kanë veshur shumë personalitete vendore, por edhe të huaja në ngjarje të ndryshme, shkruan portali arbresh.info

E së fundmi ai po kujdeset edhe për veshjen e presidentes së sapo zgjedhur, Vjosa Osmani.

Sahiti ka publikuar një foto në Instagram nga takimi me presidenten Osmani, ku ia ka dedikuar edhe disa fjalë shumë të bukura.

“Vajzat e kanë vendin vetëm ku ato dëshirojnë, aty ku ato çdo natë ëndërrojnë, aty për çka ato punojnë fort e me zell“, kanë qenë fjalët e Osmanit, të cilat Valdrini i transmetoi për ndjekësit e tij në Instagram.

Tutje, Sahiti theksoi se vajza e tij tashmë ka shembuj të ndryshëm të grave të suksesshme për të ndjekur, e që një ndër to është edhe presidentja në fjalë.

“Ky vend po ecën vetëm përpara! Vajza ime do ketë shembuj për të ndjekur dhe do të zgjedhë për të ardhmen e saj. Askush, kurrë, nuk do ti tregojë se sa metra katrorë mund ti lejojë botës së saj të pafundme”, ka shkruar Valdrin Sahiti në Instagram.

Kujtojmë se, Presidentja Osmani në ditën e inaugurimit ia besoi dukjen Valdrinit. /arbresh.info/