Një gjykatë në Gjermani dënoi një grua 25-vjeçare gjermane me burgim të përjetshëm për vrasjen e një fëmije dy-vjeçar në një kopsht në qytetin e Firzen, ku ajo punoi vitin e kaluar.

Gjykata rajonale në Monchengladbach dënoi sot Sandra M., mbiemri i së cilës nuk u botua për shkak të privatësisë, transmeton portal arbresh.info

Gjykatësit kanë arritur në përfundim se e akuzuar ka goditur në gjoks vajzën dy-vjeçare dhe e parandaloi atë të merrte frymë. Fëmija, i identifikuar në gjykatë vetëm me emrin Greta, vdiq në spital dy javë më vonë.

Gjatë gjykimit, gjykata dëgjoi dëshmitë e fëmijëve të tjerë të cilët thanë se e akuzuara kishte abuzuar fizikisht edhe me fëmijët tjerë. Qyetarja e akuzuar gjermane ishte larguar nga puna nga disa kopshte tjera gjatë viteve të mëparshme.

Ajo mohoi ngjarjen dhe avokatët e saj kanë theksuar se do të apelojnë vendimin.

Sipas ligjit gjerman, ajo ka të drejtë të kërkojë lirimin e parakohshëm pas 15 vjetësh./arbresh.info/