Gazeta e njohur izraelite “Haaretz” duke raportuar për marrëveshjen e njohjes së ndërsjellë mes Izraelit e Kosovës ka lëshuar një gabim.

Duke iu referuar kryeministrit të Kosovës, Avdullah Hoti ata kanë gabuar mbiemrin duke e quajtur Huti, shkruan portali arbresh.info.

“Trump telefonoi Netanyahu gjatë takimit të tij të premten me kryeministrin e Kosovës, Avdullah Huti, dhe i përgëzoi dy udhëheqësit për vendimin e tyre. Huti gjithashtu tha se Kosova do të hapë një ambasadë në Jerusalem”, shkruan Haaretz.

Netanyahu tha pas bisedës se Kosova do të jetë “Vendi i parë me shumicë myslimane që hap një ambasadë në Jerusalem. Siç e kam thënë ditët e fundit, rrethi i paqes dhe njohjes së Izraelit po zgjerohet dhe kombet e tjera pritet të bashkohen me të”.

Izraeli ka qenë në bisedime gjatë viteve të kaluara me Kosovën në lidhje me hapjen e një zyre për interesat ekonomike në Tel Aviv për të avancuar investimet dhe tregtinë me shtetin e Ballkanit.

Aktualisht nuk ka lidhje zyrtare diplomatike midis Izraelit dhe Kosovës dhe Izraeli refuzon të njohë pavarësinë e Kosovës, edhe pse shumë vende të tjera – përfshirë Shtetet e Bashkuara – e kanë bërë këtë./arbresh.info/