Park Won-soon, kryebashkiaku i kryeqytetit të Koresë së Jugut, është zhdukur pasi i la një mesazh verbal të bijës që është përshkruar si një testament.

Tashmë ka nisur një operacion masiv në kërkim të politikanit, transmeton portali arbresh.info.

Oficerët e policisë thonë se janë duke kërkuar për Park në një kodër në Sungbuk-dong, një qark në veri të Seulit ku është pikasur së fundmi sinjali i telefonit të tij.

Ata thonë se momentalisht telefoni i tij është i mbyllur.

Vajza e tij e thirri policinë të enjten pasdite dhe tha se babai i saj la një mesazh “si dëshirë” para se të linte shtëpinë e tyre katër deri në pesë orë më parë, njoftoi agjencia e lajmeve Associated Press.

Vajza nuk sqaroi përmbajtjen e mesazhit, tha një nga oficerët në Agjencinë e Policisë Metropolitane të Seulit që është përgjegjës për operacionin e kërkimit të Parkut.

Vajza tha që ajo vendosi të telefononte policinë sepse nuk mund të arrinte te babai i saj në telefon, tha oficeri, duke kërkuar anonimitet sepse nuk ishte e autorizuar të fliste në media për këtë çështje.

Rreth 150 oficerë, një dron dhe një qen policie janë mobilizuar, sipas policisë.

Kim Ji-hyeong, një zyrtar nga Qeveria Metropolitane e Seulit, konfirmoi që Parku nuk u paraqit për punë të enjten për arsye të paqartë dhe anuloi të gjitha oraret e tij, duke përfshirë një takim me një zyrtar presidencial në zyrën e tij të Bashkisë së Seulit./arbresh.info/