Në vitin 2011 sa ishte në krye të Qeverisë së Republikës së Kosovës, Hashim Thaçi, Ministria e Punëve të Jashtme kishte kontraktuar firmën amerikane Patton Boggs LLP që ofronte shërbime konsulence në mënyrë që të zgjerohen/përmirësohen raportet bilaterale, duke ofruar shuma të majme parash.

Në krye të Ministrisë së Punëve të Jashtme (MPJ) në atë kohë, ishte Enver Hoxhaj nga radhët e PDK-së, mirëpo për këtë marrëveshje siç është e shkruar në të përfaqësues ishte caktuar z. Nagip Skënderi.

Skënderi ishte përgjegjës për koordinimin e aktiviteteve bazë të kësaj marrëveshje si dhe për pranimin e furnizimeve nga MPJ.

Në përmbajtjen e kësaj kontratë shohim se qëllimi i këtij bashkëpunimi ishte që të bëhej tërheqja e investimeve si dhe të zhvillohej tregtia ndërkombëtarë, marrja e fondeve nga organizatat ndërkombëtare, investimet e huaja direkte nga Amerika dhe vendet e tjera botërore në fushën e ekonomisë dhe shërbimet të tjera, shkruan portali arbresh.info.

Kjo kontratë doli të jetë shume e kushtueshme, aq sa për një muaj pagesë duhej të bëheshin 50 mijë dollarë amerikanë.

Në kontratën që daton 29 gusht, 2011, kjo firmë kontraktohet për shërbimet e hulumtimeve dhe këshillimeve që kanë të bëjnë me zgjerimi e marrëdhënieve biltarale dhe multilaterale, si dhe nxitjen e investimeve.

Kjo kontratë ishte paraparë të niste me 1 shtator 2011 dhe të përfundonte me 1 shtator 2012, ku jepej mundësia e vazhdimit dhe rishikimit.

Për detaje të më hollësishme keni  në gjuhën angleze kontratën e nënshkruar nga Ministria e Punëve të Jashtme./arbresh.info/