I pari i Komunës së Klinës, Zenun Elezaj, gjatë ditës së djeshme ka pasur probleme shëndetësore.

Lajmin e ka bërë të ditur vet Elezaj përmes një njoftimi në Facebook.

Simptomat që ai kishte, sipas tij,  ishin  të njëjta me COVID-19,  dhe për këta Elezaj gjatë ditës së sotme me rekomandim të mjekëve dhe IKSHPK-së, ka kryer testin në Klinikën Infektive në QKUK.

Mirëpo, testi sipas tij, fatmirësisht ka rezultuar  negativ./arbresh.info

Njoftimi i plotë:

Të nderuar qytetarë,

Nga dita e djeshme kam pasur disa probleme shëndetësore. Pasi simptomat ishin të njëjta me ato të virusit Corona, sot, pas rekomandimit të mjekëve dhe të IKSHPK-së, jam paraqitur në Klinikën Infektive në QKUK dhe jam testuar.

Fatmirësisht rezultati ka dalë negativ.

Po ashtu edhe gjendja shëndetësore ka filluar të përmirësohet.

Situata me Covid-19 në qytetin tonë fatmirësisht vazhdon të jetë e mirë, por rreziku nuk ka kaluar ende, ju bëj thirrje të vazhdoni të keni kujdes.

Shpreh falenderim ndaj të gjithë miqve e qytetarëve që më kanë shkruar e thirrur. ZE