Mbrëmë arbresh.info kishte raportuar për një roje të pyllit të gjetur pa shenja jetë në afërsi të Badovcit.

E për këtë sot ka reaguar edhe kryetari i komunës së Prishtinës, Shpend Ahmeti, shkruan arbresh.info.

Ai ka thënë se personi i vdekur është N. Rr.

“Mbrëmë Drejtoria e Inspekcionit është lajmëruar se është gjetur vetura e braktisur/hapur e njërit prej inspektorëve më të vjetër të pyllit të Komunës së Prishtinës N. Rr. në afërsi të Badovcit. Fatkeqësisht, pas arritjes së policisë është gjetur edhe trupi i pajetë i të ndjerit, i vrarë me armë zjarri, në zonën që e ruante si roje pylli”, ka shkruar ai.

Ahmëri ka shtuar gjithashtu se trupi është dërguar në Mjekësinë Ligjore teksa u ak shprehur ngushëllime familjes

“Trupi është përcjellë në Mjekësinë Ligjore ndërsa policia po zhvillon hetimet rreth rastit. Familjes i shprehim ngushëllimet më të sinqerta dhe si Komunë do të ju qëndrojmë pranë në këto momente të vështira. Nga Policia kërkojmë që sa më parë të zbardhet rasti dhe kryesit e veprës të sillen para drejtësisë”, ka shkruar Ahmeti.

“Ky rast edhe njëherë dëshmon rrezikun me të cilin përballen Inspektorët e Komunës”, ka përfunduar i pari i komunës së Prishtinës./arbresh.info/

Lexo edhe: Gjendet i vdekur një person tek liqeni i Badovcit

Gjendet i vdekur një person tek liqeni i Badovcit