Avioni i dërguar nga Turqia me mjete të kërkim-shpëtimit dhe ekipin shpëtues ka ateruar në Shqipëri për të ofruar ndihmë pas tërmetit shkatërrues që goditi vendin.

Avioni transportues i tipit A400M i Forcave të Armatosura Turke (TSK) i përgatitur nën koordinimin e Autoritetit turk për Menaxhimin e Katastrofave dhe Emergjencave (AFAD) ka ateruar në Aeroportin Ndërkombëtar të Tiranës.

Avioni ka transportuar tre mjete kërkimi të AFAD-it dhe 27 persona për kërkim dhe shpëtim nga AFAD, Ekipi Kombëtar Mjekësor të Shpëtimit (UMKE) dhe Gjysmehëna e Kuqe e Turqisë.

Pas aterimit, ekipet turke menjëherë janë nisur drejt Durrësit për t’iu bashkuar aktiviteteve të kërkim-shpëtimit.

Shqipëria u godit nga dy tërmete të fuqishme, me epiqendër në Durrës në orën 3:55 me magnitudë 6,3 në thellësi 10 kilometra dhe më vonë me një magnitudë 5 në Kepin e Rodonit.

Sipas të dhënave të deritanishme të siguruara nga autoritetet shqiptare, numri i viktimave nga tërmeti që goditi Shqipërinë sot ka shkuar në 21, ndërkohë mbi 600 persona janë plagosur dhe po thuajse 50 janë shpëtuar nga rrënojat./AA