Kryetari i OBRM-PDUKM-së, Hristijan Mickoski sot nga Kumanova tha se marrëveshja duhet të respektohet, domethënë të formohet një qeveri teknike më 3 janar, ndërsa zgjedhjet e parakohshme parlamentare të mbahen më 12 prill.

I pyetur nëse OBRM-PDUKM mund të pranojë ndonjë vonesë apo qëndron i vendosur që zgjedhjet duhet të mbahen më 12 prill, Mickoski tha se është arritur një marrëveshje midis partive politike në takimin e liderëve që duhet të respektohet.

“Është një marrëveshje e arritur në prani të Presidentit të Republikës dhe kryeministrit Zoran Zaev. Kishte përfaqësues të partive politike. U diskutuan edhe mundësitë që u imponuan sot si dilema dhe që pasqyrohen nga LSDM-ja. Unë mendoj se shqetësimi bazohet më shumë në frikën e një humbjeje katastrofike në zgjedhjet e ardhshme parlamentare. Nëse shumica parlamentare vazhdon të sillet në këtë mënyrë, ato jo vetëm që rrezikojnë demokracinë, jo vetëm që prekin procesin zgjedhor, por plotësisht delegjitimojnë takimin e fundit të lidrëve me Presidentin Stevo Pendarovski dhe kështu krijojnë vetëm mosbesim shtesë midis qytetarëve të Maqedonisë”, tha Mickoski./Telegrafi/