Prokurorët amerikanë thonë se bosi meksikan i drogës Joaquin “El Chapo” Guzman i dha një milion dollarë vëllait të presidentit të Hondurasit, një ryshfet që ishte paraparë të arrinte të lideri i vendit.

Akuza u lexua në fillim të gjykimit të vëllait të presidentit Juan Orlando Hernandez në Nju Jork, transmeton portali arbresh.info.

Juan Antonio Hernández u arrestua në një operacion antidrogë në Majami në nëntor.

Presidenti tha se pretendimet ishin “100% të rreme, absurde dhe qesharake”.

Udhëheqësi konservator, i cili gëzon mbështetjen e patundshme të administratës Trump, tha se akuzat ishin “më pak serioze sesa Liza në Botën e Çudirave”.

Në një postim me fjalë të forta, presidenti 50-vjeçar – i cili nuk është akuzuar në këtë çështje – gjithashtu theksoi se prokurori nuk tha që ai kishte marrë paratë që gjoja i ishin dhënë vëllait të tij.

Juan Antonio “Tony” Hernández, 41 vjeç, përballet me katër akuza të ndara, duke përfshirë komplotin e drogës për të importuar kokainë në SHBA dhe vepra për armë. Ai mohon akuzat. Nëse dënohet ai përballet me burg të përjetshëm./arbresh.info/