Zyrtarisht është hapur sot  fushata e legalizimit të ndërtimeve pa leje me moton “Legalizo Ndërtimin, mos e humb mundësin”.

Ministri i Mjedisit dhe Planifikimit Hapësinor, Fatmir Matoshi, ka treguar shumën për legalizimin e ndërtimeve pa leje.

“Sot po fillojmë zyrtarisht fushatën për legalizim. Pas miratimit të ligjit ne kemi punuar 5 rregulla për legalizim të ndërtimeve. Taksat për legalizim do të jetë  1 euro për metër për shtëpi ndërsa 2 euro për pasurin e tjera.  Ne emër të Ministrisë falënderoj ekspertet qe kanë qenë të angazhuar në këtë proces dhe falënderoj deputete e  donatoret ndërkombëtar. Ftoj që të respektohet kjo fushat dhe të paraqiten për legalizim”, tha Matoshi.

Në këtë hapje u prezantua edhe procedura për marrjen e lejes dhe legalizimin e ndërtimeve pa leje.

Në bazë të prezantimit janë gjithsej 352, 000 ndërtime pa leje të identifikuar në tërë Kosovën të cilat duhet të trajtohen.

E ndonëse ishte i paraparë më agjendë në këtë hapje të fushatës për legalizim nuk ka marr pjesë ish-kreu i Kuvendit të Kosovës, Kadri Veseli.

Nga tërë kryetarët e Komunave i pranishëm ishte vetëm Kryetari i Skenderajt Bekim Jashari./arbresh.info/