FC Feronikeli dhe AC Milani janë duke u përballur këtë mbrëmje (e shtunë) në Prishtinë.

Takimi i shumëpritur dhe historik për futbollin kosovar kundër një skuadre siç është AC Milani, kampion i shtatëfishtë evropian, pritej të mblidhte të gjithë në stadiumin “Fadil Vokrri”, shkruan portali arbresh.info.

Megjithatë, një numër shumë i vogël ishin të pranishëm në zonën veriore dhe atë në lindore të stadiumit.

Pjesa VIP dhe zona në jug dukej qartë se ishte më e mbushur, por pjesët e tjera në “Fadil Vokrri” ishin thuajse plotësisht të zbrazta.

Edhe pse numri i biletave të shitura raportohej se është i madh, vërehet qartë se çmimi i lartë (edhe pse i zvogëluar pas disa jave) ka qenë pengesë kryesore për “Rossonerët” në Kosovë.

Pjesa e parë e ndeshjes mes dy skuadrave ka përfunduar me rezultat minimale 0 me 1 në favor të skuadrës italiane.

Suso zhbllokoi shifrat me një supergol të realizuar nga gjuajtja e lirë në minutën e 26′.

Arbresh.info do t’iu mbajë të informuar në kohë reale për çdo zhvillim rreth kësaj ndeshje./arbresh.info/

Shikoni më poshtë fotot e shkrepura nga fotoreporteri i Arbresh.info, Ruzhdi Pacolli: