Pas barazimit në takimin e parë në kuadër të kualifikimeve kundër Bullgarisë, Kosova ka ndarë pikët edhe në ndeshjen kundër Malit të Zi duke barazuar me rezultat 1 me 1.

“Dardanët” e nisën mjaftë mirë duke gjetur golin e epërsisë në minutën e 24′ të ndeshjes me anë të Milot Rashicës që shënoi bukur në portën e Milan Mijatovicit, shkruan portali arbresh.info.

Por, Challandes u detyrua të bëjë një ndryshim të detyrueshëm për shkak se Arbër Zeneli u lëndua në fund të pjesës së parë dhe në vend të tij në fushë u inkuadrua talenti i Baselit, Edon Zhegrova.

Kombëtarja kishte raste të shkëlqyera, por lojtarët verdhekaltër të linjës frontale nuk arrinin të konkretizojnë rastet e tyre – gjë për të cilën edhe u ndëshkuan në vazhdim.

Mali i Zi barazoi shifrat në minutën e 69′ me anë të Stefan Mugos që shënoi me kokë në portën e Aro Muriqit.

Sidoqoftë, kombëtarja jonë vazhdon e pamposhtur në 13 ndeshje radhazi.

Bullgaria është rivali i ardhshëm i “Dardanëve”./arbresh.info/