Në ‘Johan Cruijff ArenA’ zhvillohet ndeshja kthyese gjysmëfinale e Ligës së Kampionëve ndërmjet Ajaxit dhe Tottenham Hotspur.

Skuadra holandeze fitoi me rezultat 1-0 në Londër, ashtu që i mjafton edhe barazimi për t’u kualifikuar në finale. Spursat duhet doemos ta fitojnë ndeshjen me një gol epërsi, por duke shënuar dy e më shumë gola (1-2, 2-3 etj.). Rezultati 0-1 e dërgon ndeshjen në vazhdime.

Do të shohim një tjetër përballje taktikash të trajnerëve Erik ten Hag dhe Mauricio Pochettino, të cilët i kanë gati formacionet e tyre për këtë sfidë.

Formacioni startues i Ajaxit: Onana, Blind, de Ligt, Tagliafico, van de Beek, Tadić, de Jong, Ziyech, Schöne, Mazraoui, Neres.

Formacioni startues i Tottenham Hotspur: Lloris (C), Trippier, Alderweireld, Vertonghen, Rose, Wanyama, Sissoko, Eriksen, Dele, Lucas, Son.

Skuadra që kualifikohet në finale do të luajë kundër Liverpoolit që e eliminoi Barcelonën me një rikthim historik. /Telegrafi/