Vinicius Junior rikthehet këtë sezon te Real Madridi

16:17 | 11 Prill 2019
Arbresh Info

Sulmuesi i Real Madridit, Vinicius Junior është i vendosur për rikthim në aksion këtë muaj pas rikuperimit nga lëndimi në kyç të këmbës.

Sensacioni i talentuar brazilian shpërtheu në lot gjatë lëndimit në pjesën e parë të disfatës 4 me 1 ndaj Ajaxit muajin e kaluar në Ligë të Kampionëve, transmeton portali arbresh.info.

Fillimisht ka pasur frikë se do të mungonte për gjithë sezonin, por Marca tani thotë se ai do të rikthehet këtë muaj ose në ndeshjen kundër Athletic Club ose Getafes në La Liga.

18-vjeçari ka bërë 28 paraqitje te skuadra e parë te Los Blancos qysh pas transferimit prej 45 milionë euro nga Flamengo duke shënuar katër gola.

Adoleshenti është ftuar për herë të parë nga Brazili në ndeshjet miqësore kundër Republikës Çeke dhe Panamas, por ishte detyruar të tërhiqet për shkak të lëndimit./arbresh.info/