Si një nga këngëtaret dhe artistët më të njohura të showbiz-it shqiptar, me një reputacion të lartë tek publiku, por jo vetëm, Miriam Cani i ka mekanizmat e duhur dhe di si t’i bëjë të gjithë për vete.

Jo vetëm me zërin dhe artin që lëvron, por edhe me dedikimet dhe fotot speciale për njerëzit më të dashur në jetën e saj.

Dhe këtu nuk bëhet fjalë vetëm për të bijën Ameli, por edhe për bashkëshortin e saj, Alban Skënderaj. Me refrenin e këngës “Shallow” të Lady Gagës dhe super hitit të filmit “A star is born”, këngëtarja na e ka ëmbëlsuar edhe më shumë ditën sot.

Kështu, ajo ka ndarë me të gjithë ndjekësit virtual një moment nga fillimi i ditës, ku asgjë më shumë se sa një portret i bukur familjar e ka bërë atë të ndihet me zemrën plot. Të tre bashkë dhe të përqafuar, Mirami, Albani dhe Ameli duken një familje kaq e bukur dhe e lumtur.
Dhe dita nuk mund të fillonte më këndshëm se kaq për të tre ata!