Ministria e Bujqësisë, pas largimit të Nenad Rikallos, ka mbetur pa ministër. Kryeministri Ramush Haradinaj, siç tregon zyra e tij për Gazetën Express, nuk ka caktuar askënd në vend të Rikallos. Ndërkaq, nuk dihet nëse ministri i ri i Bujqësisë do të jetë nga komuniteti serb.

Koalicioni qeverisës që nga marsi i vitit të kaluar, kur u arrestua në Veri zyrtari i lartë i Serbisë, Marko Gjuriq, ka humbur një partner të saj. Lista Srpska është larguar nga qeveria, por po vazhdon të mbajë peng disa ministri.

I lirë është vetëm posti i ministrit të Bujqësisë, nga i cili është larguar Nenad Rikallo, në fillim  të shkurtit.

Qeveria akoma nuk ka caktuar pasardhësin në krye të Rikallos, i cili që nga emërimi ishte i padëshiruar, pasi qytetarët e lagjes Dardania e kishin akuzuar ministrin serb se gjatë luftës ka “Nuk është caktu asgjë”, kanë thënë nga Zyra e Kryeministrit për Qeverinë, ndërsa nuk tregojnë nëse ministri i ardhëm i Bujqësisë do të jetë nga Lista Srpska.

Partitë e koalicionit qeverisës i kanë të ndara postet dhe ministritë, që prej krijimit të Qeverisë. Kur janë shkarkuar ministra nga AKR dhe Nisma, zëvendësit e tyre kanë ardhur nga po të njëjtat subjekte.

Dy ministri dhe posti i zëvendëskryeministrit i ishin dhënë Listës Srpska.

Opozita kishte e kishte thirrur në interpelancë kryeministrin Haradinaj, pas akuzave të banorëve të Dardanisë, se ministri Rikallo, që banonte në atë lagje në vitet e ‘90-ta, gjatë luftës i ka torturuar ata.

Atëherë Haradinaj nuk e shkarkoi ministrin, ndërsa largimin e tij e zyrtarizoi vetëm pasi Partia Socialdemokrate ia kushtëzoi shkarkimin e ministrit serb në këmbim të votës për buxhetin e vitit 2019.

Shefi i qeverisë në një intervistë të syri.net dy javë më parë tha se Rikallo edhe ashtu ka kërkuar që të largohet nga posti i ministrit. /Express/