Presidenti Meta ka marrë pjesë sot në ceremoninë e homazheve në nder të futbollistit të ndjerë Vasillaq Zëri, I cili u nda nga jeta dje në moshën 66-vjecare.
“Si djali i një tifozi jo shumë normal të Dinamos e kam ndjekur shumë Dinamon e atyre viteve, një nga ngjarjet më emocionuese ishte kur topi prekej nga Zëri, ai ishte magjistari i triblimeve. Ishte lojtari kyç jo vetëm i Dinamos por edhe i Kombëtares”,- tha Meta.

Gjithashtu Presidenti ka shkruar se edhe në planin njerëzor, ai ishte një model në fushë dhe jashtë saj.

“Me nderim të veçantë por edhe trishtim të thellë u përula sot për herë të fundit përpara Vasillaq Zërit, këtij futbollisti të madh e të paharruar të viteve ’70-’80, i cili jo vetëm njihej si magjistari i topit, teknikës dhe driblimit, por edhe si gjeneratori i kompozimit të trios së jashtëzakonshme Zëri, Përnaska, Ballgjini, që la gjumë të pashlyera në futbollin shqiptar. Ne do ta nderojmë Zërin edhe si trajner e edukator i fëmijëve dhe brezave të rinj me futbollin, por edhe me vlerat më të mira qytetare. I përjetshëm kujtimi i Zërit!,”-përfundon Meta në rrjete sociale.