Vedat Muriqi vazhdon të jetë njeriu vendimtar për Mallorca në elitën e futbollit spanjoll.
Sulmuesi kosovar realizoi edhe një tjetër gol të rëndësishëm në përballjen ndaj Villarrealit, duke rikthyer ekipin e tij në lojë pak para përfundimit të pjesës së parë.
Goli erdhi në minutën e dytë shtesë të fraksionit të parë (45+2’), pas një gabimi të rëndë të portierit mysafir, të cilit topi i rrëshqiti nga duart. Muriqi u gjend në vendin e duhur dhe me një goditje të lehtë e dërgoi topin në rrjetë për rezultatin 1-1.
Për bomberin kosovar, ky ishte goli i 22-të në këtë edicion të La Liga, duke konfirmuar formën e jashtëzakonshme që po kalon këtë sezon.
Me këtë realizim, Muriqi afrohet edhe më shumë në garën për “Pichichi”, pasi tashmë ndodhet vetëm dy gola prapa liderit aktual, Kylian Mbappe.
Dialogu Kosovë-Serbi në fokus të takimit të ministrave të BE...
Kurti bëri homazhe te varrezat e martirëve dhe dëshmorëve në...
Rama vlerëson kontributin e gjeneralit Timothy Orr në forcim...
IHMK paralajmëron mot të paqëndrueshëm gjatë javës
Nuk ndalet Muriqi, i shënon gol edhe Villarrealit
Në pritje të përgjigjes, Trump “mesazh” me bomba Iranit, pub...