Luftimet në mes të forcave pro-qeveritare jemenase dhe rebelëve Houthi në qytetin e Hudejas raportohet të jenë qetësuar, pas hyrjes në fuqi të armëpushimit.

Përleshjet vazhduan për disa orë pas fillimit të armëpushimit të ndërmjetësuar nga OKB në mesnatë, por vendasit tani thonë se është relativisht e qetë, transmeton portali arbresh.info.

I dërguari i OKB-së Martin Griffiths tha se nisma duket të jetë duke punuar deri më tani.

Beteja për Hudejdën kërcënoi veprimin e portit të saj, gjë që është thelbësore për ofrimin e furnizimeve të ndihmës.

Gjysma e popullsisë së vendit të shkatërruar nga lufta – 14 milionë njerëz – janë në prag të urisë dhe rreth 85,000 fëmijë mund të kenë vdekur nga kequshqyerja.

Jemeni është shkatërruar nga një konflikt që u përshkallëzua në fillim të vitit 2015, kur Houthët kapën kontrollin e pjesës më të madhe të perëndimit të vendit, duke përfshirë kryeqytetin Sanaa dhe e detyruan Presidentin Abdrabbuh Mansour Hadi të ikte jashtë vendit.

Të alarmuar nga ngritja e një grupi që ata panë si një përfaqësues iranian, Arabia Saudite dhe tetë shtete të tjera arabe ndërhynë në një përpjekje për të rivendosur qeverinë./Arbresh.info/