Rritjet e taksave të karburanteve që kanë çuar në disa javë protesta të dhunshme në Francë tani janë shtyrë për gjashtë muaj.

Ky veprim u njoftua në një fjalim televiziv nga kryeministri Edouard Philippe, i cili tha se do duheshin të ishin “të shurdhër ose të verbër”, për të mos dëgjuar apo parë zemërimin, transmeton portali arbresh.info.

Protestat kanë goditur qytetet e mëdha, duke shkaktuar dëme dhe përçarje gjatë tre fundjavave të kaluara.

Protestat e “gilets jaunes” (jelekët e verdhë) tani janë rritur për të reflektuar zemërimin më të përhapur në qeveri.

“Jelekët e verdhë” janë quajtur ashtu për shkak se kanë dalë në rrugë të veshur me veshje të verdha shkëlqyese që kërkohet të mbahet në çdo automjet sipas ligjit francez.

Presidenti Emmanuel Macron u zgjodh vitin e kaluar me një mandat të madh për reformën ekonomike gjithëpërfshirëse, por popullariteti i tij ka rënë ndjeshëm gjatë muajve të fundit mes akuzave se ai është një “president i të pasurve”.

Katër vetë kanë vdekur që nga fillimi i trazirave dhe dhuna dhe vandalizmi rezultues janë dënuar gjerësisht./Arbresh.info/