Pak ditë më parë, paniku mbërtheu banorët në qytetet e Shqipërisë së Mesme, pasi një tërmet me magnitudë 5 ballë goditi vendin, me epiqendër pranë Gjirit të Lalzit.

Tërmeti i parë u shoqërua nga qindra lëkundje më të lehta.

Ndërkohë, ditën e sotme vetëm pak pas orës 15:00, Shqipëria e Mesme u trondit sërish, nga një tjetër tërmet, këtë herë me magnitudë 4.7 ballë dhe me epiqendër jo me pranë Gjirit të Lalzit, por në Rrogozhinë.

Por ç’po ndodh me nëntokën në vendin tonë, në vetëm kaq pak ditë me qindra tërmete dhe dy prej tyre të fuqishëm, por fatmirësisht pa persona të lënduar?!

Sizmologët thonë se nuk ka vend për panik, sepse kjo është situatë normale, pasi çdo tërmet pasohet me lëkundje të tjera të vogla sizmike. “Është një situatë normale. Është një aktivitet normal në atë zonë, ka ndodhur edhe më parë”, tha pak ditë më parë eksperti Ardian Minarolli, duke ulur panikun te qytetarët./Top Channel