Zyrtare: Moukoko blindohet me kontratë të re nga Dortmundi

17:20 | 21 Janar 2023

Borussia Dortmund ka konfirmuar zyrtarisht se ka rinovuar edhe për shumë vite kontratën e sulmuesit të talentuar, Youssufa Moukoko.

Moukoko ishte në muajt e fundit të kontratës së tij me Dortmundin dhe shumë klube të mëdha evropiane u vënë pas tij.

Barcelona u tha se ishte favorit për transferimin e tij, teksa lojtari pëlqehej edhe nga Chelsea, Bayern Munich, Man Utd, Liverpool, Arsenal, Neëcastle Utd dhe Real Madrid, shkruan telegrafi.

Megjithatë, klubi gjerman e ka bindur 18-vjeçarin për të nënshkruar një kontratë të re, e cila do ta mbaj në Signal Iduna Park deri në fund të sezonit 2025/26.

“Borussia Dortmund dhe Youssoufa Moukoko kanë rënë dakord të punojnë së bashku deri në vitin 2026”, thuhet në deklaratën e klubit gjerman.

Pas rinovimit ka folur edhe vet sulmuesi i talentuar, i cili ka falënderuar klubet e interesuara, teksa rinovimin e ka cilësuar si vendim i zemrës.

“Isha i nderuar nga interesimi i klubeve të tjera, por në fund të fundit është një vendim i zemrës. Tifozët më kanë mbështetur gjithmonë dhe gjithashtu dua t’u kthej diçka atyre dhe klubit”, ka thënë Moukoko.