Konfirmimi tani ka arritur se Pierre Emerick Aubameyang do të jetë zëvendësues i Granit Xhakës si kapiten i Arsenalit.

Trajneri Unai Emery ka konfirmuar se mesfushori kosovar nuk do të ketë më titullin e kapitenit në Emirates pas sjelljes së pahijshme në ndeshjen ndaj Crystal Palaces dhjetë ditë më parë në Premierë Ligë, shkruan portali arbresh.info.

27-vjeçari kishte ofenduar rëndë tifozët vendas gjatë zëvendësimit në pjesën e dytë të ndeshjes së përfunduar baras 2 me 2 kundër Crysal Palaces.

Edhe pse iu kërkoi falje tifozëve pas tri ditë heshtje, Xhaka është ndëshkuar nga klubi londinez dhe nuk do të jetë më pjesë e grupit drejtues të klubit.

Sidoqoftë, Pierre Emerick Aubameyang është emëruar si zëvendësues i Xhakës.

Arsenali luan nesër ndaj Vitoria SC në kuadër të Evropa Ligës./arbresh.info/

Aubameyang is now club captain https://t.co/clBV4cRsPh

— James Benge (@jamesbenge) November 5, 2019