Real Madridi ka shënuar fitore edhe në ndeshjen e dytë ndaj Man Cityt (1:2) në kuadër të fazës së 1/8 së finales në Ligën e Kampionëve.

Pas 20 minutave, “Los Blancos” fituan penallti ku me karton të kuq u ndëshkua Bernardo Silva pas një prekje të topit me dorë. Në gol 11-metërshin e konkretizoi, Vinicius Junior, shkruan Arbresh.info.

Katër minuta para fundit të pjesës së parë, City barazoi rezultatin me golin e Haalandit.

Në pjesën e dytë, City pati iniciativën dhe arriti të shënoi me Dokun por ishte në pozicion jashtë loje. Një gol tjetër e realizoi Ait-Nouri por sërish u anulua për të njëjtën arsye.

Në minutën e 82-të, Valverde shënoi për Realin por edhe një herë goli u anulua për pozicion jashtë loje. Një gol tjetër iu anulua Vinit në minutat shtesë.

Por krejt në fund një pasim maestral i Tchouamenit e gjeti Viniciusin para portës dhe kësaj here goli ishte i rregullt dhe shifrat shkuan në 1-2.

Me këtë rezultat u mbyll edhe takimi, dhe Reali siguroi çerekfinalen. Rezultati i përgjitshshëm nga dy ndeshjet është 1-5 për madrilenët.

Në çerekfinale Reali do të përballet me fituesin e Bayern – Atalanta. Atje rezultati nga ndeshja e parë është 6-1 për skuadrën gjermane./Arbresh.info