Mbrëmë përfundoi Majori i dytë i vitit në botën e CS2 ku në Budapest shkëlqeu Vitality ku rrëmbeu trofeun e të parit për të dytën herë radhazi, duke mposhtur FaZe Clan në finale me rezultat (3:1) me mapa.

Pjesë e këtij Majori ishte edhe ylli kosovar, Drin “Makazze” Shaqiri i cili luan për skuadrën ukrainase Natus Vincere, shkruan Arbresh.info.

Pavaresisht së në gjysmëfinale u mposhtën nga FaZe Clan me rezultat (2:1) me mapa, ai shkëlqeu në këtë event, ku la gjurmë të mëdha.

“Makazze” është zgjedhur lojtari i katërt më i vlerësuar në play-offin e Majorit, duke lënë pas emra të mëdhenj si “mezi”, “mzinho”, “wonderful”, “Tëistz” e “tN1R”.

Përpara yllit kosovar ishin vetëm lojtari më i mirë në botë për momentin “donk”, dhe fituesit e Majorit “ZywOo” e “ropz”.

“Donk” pati paraqitje fantastike ku në katër mapa u vlerësua me notë 1.41, derisa dyshja e Vitalityt pati notën 1.30. Menjëherë pas tyre vjen ylli kosovar “makazze” me 1.28, ku shkëlqeu ndaj Furias dhe Faze.

Kujtojmë edhe njëherë se ky ishte Majori i parë për “Makazzen”, dhe përkundër presionit të madh ai arriti të zhvilloj një performancë të jashtëzakonshme duke lënë emrin e tij të shkruhet me shkronja të arta./Arbresh.info