‘Los Blancos’ kanë siguruar një tjetër fitore me rezultat të thellë pasditen e sotme (e shtunë) në La Liga.

Real Madridi ka fituar me rezultat bindës 4 me 0 ndeshjen e xhiros së 25-të në La Liga të zhvilluar si nikoqir në Santiago Bernabeu kundër Deportivo Alaves, shkruan portali arbresh.info.

Superylli Cristiano Ronaldo arriti të realizoj dy gola në këtë takim ku skuadra e Zinedine Zidanes regjistroi fitoren e katër radhazi në kampionatin spanjoll.

Goli i epërsisë nga sulmuesi portugez erdhi në minutën e 44′ të pjesës së parë pas një super asistimit nga Karim Benzema. Sulmuesi francez asistoi edhe në golin e dytë të ndeshjes të shënuar nga Gareth Bale qysh në fillim të pjesës së dytë (46′).

Cristiano Ronaldo gjeti portën edhe pas një ore lojë në Bernabeu duke shënuar për 3 me 0 nga afërsia pas asistimit nga Lucas Vazquez. Fituesi i pesëfishtë i Topit të Artë kishte mundësi të realizoi edhe hat-trick, por 33-vjeçari zgjodhi për t’ia lënë goditjen nga pika e bardhë sulmuesit Karim Benzema pas dy asistimeve që bëri në këtë ndeshje.

Benzema u tregua i saktë nga njëmbëdhjetë metërshi duke shënuar për 4 me 0 (89′).

Real Madridi qëndron në pozitën e tretë me 51 pikë, 11 më pak se Barcelona para ndeshjes së sotme të gjigantit katalunas, ndërsa Deportivo Alaves qëndron në pozitën e 16 me vetëm 28 pikë./arbresh.info/

Shikoni të gjitha golat e realizuara nga ‘BBC’:

https://streamable.com/lf6br

https://streamable.com/bptuz

https://streamable.com/30zly