Mbrojtësi i Real Madridit, Dani Carvajal insiston që treshja në front e Bayern Munichut janë “më e vështira për tu mbrojtur kundër tyre”.

Kampioni gjerman pritet të vendos në formacion treshen Arjen Robben, Robert Lewandowski dhe Franck Ribery kundër Madridit në Bavaria mbrëmjen e së mërkurës në ndeshjen e parë në gjysmëfinale të Ligës së Kampionëve, transmeton portali arbresh.info.

“Treshja e përbërë nga Robben, Lewandowski dhe Ribery janë më e mira dhe ata do të jenë më të vështirët për tu mbrojtur kundër tyre”, citohet të ketë thënë Carvajal për ‘Marca’.

“Nga pikëpamja defanzive, ata janë shumë të rrezikshëm sa i përket markimit duke e ditur që ata mund të krijojnë hapësirë dhe të shënojnë nga çfarëdo pozite. Por, ne duhet të fokusohemi në planet tona dhe në objektivat, do të jetë e mahnitshme për të fituar titullin [në Ligë të Kampionëve] për të tretën herë radhazi”

“Ne do shkojmë në këtë ndeshje me plotë motivim dhe entuziazëm”

Ndeshja ndërmjet Bayern Munichut dhe Real Madridit zhvillohet duke filluar nga ora 20:45./arbresh.info/