Real Madridi përfundimisht i është kthyer fitoreve në La Liga.

Trajneri i përkohshëm i kampionit në fuqi të Evropës, Santiago Solari e ka nis me fitore regjimin e tij te gjiganti spanjoll duke marrë tri pikë të plota nga takimi i tij i parë në detyrë si një zëvendësues i trajnerit Julen Lopetegui, shkruan portali arbresh.info.

‘Los Blancos’ i janë kthyer përfundimisht fitoreve në kampionatin spanjoll pas pesë ndeshjeve (katër humbje, një barazim) pa fitore duke mposhtur në stadiumin Santiago Bernabeu skuadrën e Real Valladolidit me rezultat 2 me 0.

Kiko i skuadrës mysafire shënoi autogol (83′) pasi ndërroi drejtimin e goditjes nga talenti Vinicius Jr duke e bërë të pandalshëm topin nga portieri Jordi Masip.

Goli i dytë u realizua nga Sergio Ramos vetëm dy minuta pa përfunduar koha e rregullt e takimit. Kapiteni u tregua i saktë nga pika e bardhë duke gjuajtur topin në mes.

Penaltia u fitua nga ‘Los Blancos’ pas një goditje palejuar ndaj sulmuesit Karim Benzema.

Real Madridi tani ka kaluar në pozitën e gjashtë në tabelë me 17 pikë, katër më pak se Barcelona në krye të tabelës, ndërsa Valladolidi qëndron në pozitën e tetë me një pikë më pak./arbresh.info/

Shikoni dy golat: