Gjiganti në Serie A, Juventusi thuhet se është duke shpresuar që Manchester United të eliminohet sa më shpejtë që është e mundur nga UFEA Liga e Kampionëve në mënyrë që të rriten shanset e tyre për të nënshkruar me Paul Pogban.

Tashmë nuk është sekret që Juventusi ende okupon një vend të veçantë në zemrën e Paul Pogbas dhe se reprezentuesi francez do të dëshironte të rikthej te kampioni i Italisë në të ardhmen, transmeton portali arbresh.info.

‘Gazeta dello Sport’ thotë se eliminimi i Manchester United nga Liga e Kampionëve do t’i ndihmonte Juventusit që t’i afrohet nënshkrimit me mesfushorin gjatë merkatos së muajit janar të transferimeve.

Gazeta e lartpërmendur shton gjithashtu që agjenti Mino Raiola është duke u përpjekur për të larguar Pogban nga gjiganti në Old Trafford.

Pogba kishte thyer rekord botëror të atëhershëm me largimin nga “Zonja e Vjetër” për rikthim te “Djajtë e Kuq” për një tarifë prej 100 milionë euro.

Por, problemet e trajnerin Jose Mourinho pas zënkave mes tyre në disa raste kanë bërë që Pogba të mendojë për të ardhmen e tij./arbresh.info/