Sot shtatë vjet Majlinda Kelmendi i solli Kosovës medaljen e parë Olimpike me një triumf historik në Rio de Janeiro.

Driton Kuka ishte trajneri i saj, transmeton Arbresh.info.

Kuka ka postuar një reagim emocionues në përvjetorin e kësaj medalje.

Ai i ka përmendur sukseset e Majlinda Kelmendit nën drejtimin e tij dhe misionin përfundimtar që ishte medalja e artë.

“Kampione Evropiane 4 herë. Kampione Botërore 2 herë por… Gjithmonë kishte një Por nga njerëzit kudo që takonim! Por Olimpiada ishte gjithmonë komenti dhe kishin të drejtë, megjithatë Olimpiada është e veçanta! Sot 7 vjet erdhi e arta Olimpike ajo që mungonte dhe tashmë i kishim të gjitha medaljet e arta që mund të fitohen në sport! Ajo ditë e madhe në Rio de Janeiro! E madhe për Kosovën e Shqiptarët anembanë Botës! U nis në Rio vazhdoj në Tokio, dhashtë Zoti tutje me tjera medalje Olimpike”, ka shkruar ai.

Kujtojmë që pas Majlindës me medalje të artë janë stolisur edhe Nora Gjakova e Distria Krasniqi./Arbresh.info/